گود سبور//

قرر الناخب الوطني وليد الرگراگي، التركيز على كاس أفريقيا ’’المغرب 2025” المطالب بالتتويج بها، ويطوي صفحة إقصائيات كاس العالم 2026، بعد ضمان المنتخب المغربي التأهل للمونديال، ملي ربح آخر ماتش ضد النيجر، وواخا مازال له ماتش أخير غدا ضد المنتخب الزامبي فزامبيا.

وخلال الندوة الصحافية اللي كاتسبق ماتش زامبيا، هضر وليد الرگراگي، وقال: “غاندير تغييرات فماتش زامبيا حيث صافي تأهلنا لكأس العالم ودابا غانعطي فرصة للاعبين آخرين باش نشوفوهم ويكتاشفو اللعب فإفريقيا اللي مختالف على اللعب عندنا فالدار”.

وزاد وضح الرگراگي، وقال: “دابا تهنينا من إقصائيات كاس العالم، والمونديال بروجي غايجي من ورا كوب دافريك، ودابا مركزين ألف بالمائة على كاس إفريقيا الجايا، ولكن خاصنا ناخدوها بشويا بشويا باش مايدارش الضغط على اللعابا وعلى المنتخب، والماتش ضد زامبيا غايكون تيست لينا على ظروف السفر والجاهزية باش فشهر نوفمبر نشوف گاع ليضوني ديال اللاعبين وبيانسير لوبجيكتيف الأول ديالنا دابا هي كوب دافريك”.