الرئيسية > آش واقع > الريع اختارق “البي جي دي”.. طوموبيل المستشار الدائم للوزير رباح كتستهلك فعام واحد 12 مليون فالمازوط من المال العام
15/07/2021 15:30 آش واقع

الريع اختارق “البي جي دي”.. طوموبيل المستشار الدائم للوزير رباح كتستهلك فعام واحد 12 مليون فالمازوط من المال العام

الريع اختارق “البي جي دي”.. طوموبيل المستشار الدائم للوزير رباح كتستهلك فعام واحد 12 مليون فالمازوط من المال العام

كود الرباط//

المستشار الدائم للوزير الرباح، اللي شاد تنظيم البي جي دي بجهة سوس، عبد الجبار القسطلاني، تفرش ثاني بمراسلة داخلية ترسلات للأمانة العامة لحزب العدالة والتنمية، بعدما حاول يسيطر على طريقة توزير التزكيات والترشيحات، بحيث ذكرت الرسالة اللي عند “كود” بأن القسطلاني دار خروقات كثيرة فمجلس الجهة.

القسطلاني اللي أصبح أكبر حليف لحزب الأحرار بسوس، وهو نائب رئيس مجلس الجهة، دار خروقات وفق “الوثيقة” التي بنت على خلاصات تقرير تدقيق العمليات المالية والمحاسبتية للجهة برسم سنتي 2017/2018، منها الافراط في استعمال الكازوال لسيارة المجلس بقيمة تصل 12 مليون ونصف سنتيم سنويا و6538 درهم شهريا، وهو مبلغ قياسي.

وجاء فالعريضة بلي :”التقرير -الذي لم ينشر لحد الآن أمام الرأي العام علما انه أدرج في احدى دورات المجلس ومر بطريقة فيها الكثير من الخبايا والخفايا – أشار إلى المشتكى به بالاسم واتهمه باستعماله لسيارة المجلس بشكل يومي ودائم خارج الاطر القانونية . و بإفراطه في استعمال الكازوال الذي بلغ رقما قياسيا وهو حوالي 6538 درهما شهريا للسيارة التي يستعملها وحده، والتي  تكلف ميزانية المجلس حوالي 124.240.00 درهم سنويا”.

لحد الآن القسطلاني مخرجش لا ببيان ولا توضيح حول الأمر.

هادشي كيكفرك فطريقة استفادته من بقعة أرضية بتجزئة عقارية في شاطئ اكلو، وهي التجزئة تابعة للمجلس الاقليمي لتيزنيت و تشوبها خروقات بالجملة.

مصادر فالبي جي دي قالت لـ”كود” بلي الكولسة دخلت للحزب وليت فيه الروينة، حيث التنظيم ضعيف بزاف ومرهون لتيار الاستوزار، اللي بغا يستفد مرحبا به واللي بغا يناضل لا مكان له فالتنظيم. هادشي وقع فالناظور وتمارة ومناطق اخرى، اللي صيفطو مراسلات للأمانة العامة، ولكن الأخيرة مدارت تا حاجة.

الامين العام للحزب، دار صفقة مع المخزن وغادي بالبي جي دي للخسران، وفاتجاه يولي فحال احزاب وطنية فقدت الاستقلالية. فحال الاتحاد الاشتراكي.

موضوعات أخرى

02/08/2021 22:00

هرطقات الفايد ممكن تقتل الناس. وصا اللي مراض بكوفيد يديرو السبور.. وجمعية أمراض القلب: هذشي ممكن يقتل فالبلاصة بسباب التهاب عضلة القلب.. وطبيب: هذا مشعوذ وخاص الرجوع لأهل الاختصاص

02/08/2021 21:00

من بعد ذهبية 3000 متر موانع.. سيدنا للبطل سفيان البقالي: براڤو لهاد التتويج الكبير اللي بيه هزيتي الدرابو ديال لبلاد فهاد التظاهرة الدولية