الرئيسية > ميديا وثقافة > الريسوني فوضع صحي خايب بعد 70 يوم من إضراب الجوع.. ودفاعو لـ”كود”: غاب على جلسة اليوم وتقدم بكتاب للنيابة العامة كيشرح فيه ظروفو الصحية.. وطلب سراحو ترفض
15/06/2021 22:00 ميديا وثقافة

الريسوني فوضع صحي خايب بعد 70 يوم من إضراب الجوع.. ودفاعو لـ”كود”: غاب على جلسة اليوم وتقدم بكتاب للنيابة العامة كيشرح فيه ظروفو الصحية.. وطلب سراحو ترفض

الريسوني فوضع صحي خايب بعد 70 يوم من إضراب الجوع.. ودفاعو لـ”كود”: غاب على جلسة اليوم وتقدم بكتاب للنيابة العامة كيشرح فيه ظروفو الصحية.. وطلب سراحو ترفض

عفراء علوي محمدي- كود//

قررات غرفة الجنايات الابتدائية بمحكمة الاستئناف فكازا، اليوم الثلاثاء، تأخير جلسة محاكمة الصحافي المعتقل سليمان الريسوني إلى الثلاثاء 22 يونيو، على ما يتعافى، حيت وضعو الصحي متدهور بزاف بعد 69 يوم من إضرابو على الماكلة، حسب ما قال دفاعو.

وماحضرش الريسوني لجلسة اليوم، كيف ما قدرش يحضر باش يتابع الجلسة عن بعد، لكن دفاعو جاو باش يآزروه ويقدمو الدفوع الشكلية فقضيتو، الشي اللي خلا ديال اليوم الجلسة تطول حتى ل9 ليلا.

وخلال الجلسة، طالب دفاع الريسوني بمعطيات مفصلية على الوضعية ديالو الصحية، حيت عدم حضورو كيعني انه ماشي بيخير، حسبهم.

وقال دفاع الريسوني، ميلود قنديل، فتصريحو ل”كود”، أن الريسوني تقدم بكتاب للوكيل العام، خبرو فيه أنه كيتعذر عليه الحضور بسبب وضعو الصحي، “والوكيل كان بغا يدوز الملف، ويعتبر ان فالقضية امتناع، لكن حنا كدفاع أكدنا ليه أن وضع الريسوني فعلا مقلق، وهذشي اللي خلا القاضي ياخر الملف”، على حساب تعبيرو.

وكشف قنديل أن المحكمة، مرة أخرى، رفضات طلب السراح المؤقت اللي تقدم بيه دفاع الريسوني، واخا وضعيتو الصحية كتستدعي التسريح ديالو.

والريسوني متابع تبهم الاحتجاز وهتك العرض فحق شاب، وهي التهم اللي كينفيها وكينفيوها المتضامنين معاه اللي كيخرجو للاحتجاج للمطالبة بإطلاق سراحة، وكيعتبروها تهم ملفقة، بينما انصار الضحية كيطالبو بإنصافو، وكيرفضو تسييس القضية.

وجات محاكمة الريسوني اليوم متزامنة مع ديال الصحافي المعتقل عمر الراضي، اللي حتى هو تأجلات محاكمتو للثلاثاء الجاي.

موضوعات أخرى

01/08/2021 22:30

أمانة البي جي دي تالفا.. مقدروش يوافقو على ترشيح بنكيران وحطو امكراز ضدا فالقواعد بتيزنيت والشوباني اللي محارب مع الداخلية حطوه فميدلت باش يواجه الاحرار

01/08/2021 20:00

بعدما لقاو اقدم انسان عاقل ف المغرب.. الباحث ف علم الآثار عبد الرحيم محب: هاد الاكتشاف كيموقع المغرب كمنطقة أساسية ف شمال إفريقيا لدراسة السكان الأوائل