الرئيسية > ميديا وثقافة > الريسوني رد على إدارة الحبس فآبيل مع مرتو: مدير الحبس كيجي يرغبني باش نوقف الإضراب على الماكلة وكنرفض.. ومراتو: حشومة يعذبوه وهو فاليوم 91 من الإضراب
07/07/2021 18:00 ميديا وثقافة

الريسوني رد على إدارة الحبس فآبيل مع مرتو: مدير الحبس كيجي يرغبني باش نوقف الإضراب على الماكلة وكنرفض.. ومراتو: حشومة يعذبوه وهو فاليوم 91 من الإضراب

الريسوني رد على إدارة الحبس فآبيل مع مرتو: مدير الحبس كيجي يرغبني باش نوقف الإضراب على الماكلة وكنرفض.. ومراتو: حشومة يعذبوه وهو فاليوم 91 من الإضراب

عفراء علوي محمدي- كود//

فردو على تقرير المندوبية العامة لإدارة السجون وإعادة الإدماج بخصوص إضرابو على الطعام ووضعو الصحي، قال الصحافي المعتقل سليمان الريسوني، فاتصال مع مراتو، أن المؤسسة السجنية كتحامل عليه.

وزاد، كيف قال مراتو خلود المختاري فتدوينة ليها: “قبل 20 يوما زارني مدير الحبس، كيطلبني نحبس إضرابي عن الطعام، وطلب من الموظفين شي قفات من الياكَورت والتمور باش يعطيوها لي، وماشي قفة وحدة كيف جا فالتقرير، وأنا رفضت”.

وقال ان مدير الحبس كيشري ليه العسل وكيعطيه ليه وهو كيرفض، حيت “الى كلا منها كيجيب ليه الله بحال الى كياكل طعام الزقوم في جهنم”.

https://m.facebook.com/story.php?story_fbid=978556142945938&id=100023746840914&ref=content_filter

ومن جهتها، قالت مراتو انه عيب وحرام على الإدارة تستفز الريسوني بهذ الطريقة، وتخرجو من الزنزانة ديالو فاليوم 91 بسباب تقارير وصفاتها ب”الكاذبة”، وتخليه يمشي لمكان الاتصال على كرسي متحرم.

وكانت مندوبية السجون فبلاغ ليها قالت أن إضراب الريسوني على الطعام  “مناورة تكتيكية يروم من ورائها دفع القضاء إلى إطلاق سراحو”.

وقالت أن الطاقم الطبي فالحبس ديما كيتبع الوضع الصحي للريسوني بشكل يومي، لكن مؤخرا مابقاش كيبغي من خلال قياس مؤشراتو الحيوية مللي دار الإضراب، وتبين ليها ان نسبة السكر فالدم قليل فاش كتكون نازلة على النسبة العادية، وحتى الضغط الدموي، وتلقات فيه 48,2 كيفو فاخر مرة وزن راسو ف29 يونيو 2021، فالوقت الل ي كانت فيه 67 كيلو قبل الإضراب.

موضوعات أخرى

30/07/2021 20:30

قانون مزاولة الأجانب لمهنة الطب بدا تنزيلو بكري.. مذكرة وزارية لتنظيم الاستثمارات الأجنبية وقطع الطريق امام احتكار لوبيات المصحات الخاصة للاستثمارات فالصحة