الرئيسية > كود سبور > الريال مدريد كيتفاوض على ضم المغربي إبراهيم دياز
13/12/2018 10:30 كود سبور

الريال مدريد كيتفاوض على ضم المغربي إبراهيم دياز

الريال مدريد كيتفاوض على ضم المغربي إبراهيم دياز

كود سبور//

كشفت تقارير اخبارية أن  الريال مدريد الإسباني كيتفاوض حاليا على ضم لاعب الوسط الإسباني إبراهيم دياز، من مانشستر سيتي النگليزي، فموسم الانتقالات الشتوية الجاي.

وذكرت صحيفة “ماركا” الرياضية أن الريال باغي يستاغل رغبة اللاعب اللي عندو غير الـ19 لعام، في خوض مزيد من الدقائق للتعاقد مع دياز، المهاري اللي كيتعتابر من أغلى اللعابا ديال “السيتيزنس” الصغار قيمة.

وغادي يكون من حق دياز، اللي كيلعب مع المنتخب الإسباني تحت 21 عام، التفاوض بشكل حر مع أندية خارج النگليز في البدو ديال العام الجديد، حيث غادي يسالي العقد ديالو في يونيو 2019.

وكانت صحيفة “ذا صن” البريطانية، اكدات أن الريال غادي يقدم عرض للتعاقد لستة مواسم مع دياز، مع راتب واصل لتقريبا 3.5 ملايين اورو فالعام.

والقيمة السوقية ديال دياز، المولود في مالگا واللي من أصول مغربية، هي 5 ملايين اورو ولكن الريال قدم عرض بـ10 ملايين اورو للتعاقد معاه.

موضوعات أخرى