كود سبور//

ذكرات صحيفة ماركا الإسبانية، أن ريال مدريد مابقاش غيصبر على التهم لي كتوجهها ليه وسائل الإعلام والأندية بخصوص التلاعب في القرعة والنتائج .

حيت الهضرة كترات بزاف مؤخرا، بعدما تأهل على حساب اليوفنتوس ، بفضل ركلة جزاء خداها الفريق فاللحظات الأخيرة من الماتش ديال الشامبونس ليغ الأخير.

وقام جورجيو كيليني مدافع يوفنتوس باشارة باليد ديالو للحكم، بأنه خدا رشوة من ريال مدريد باش يعاونو يربح، كما  أن بزاف ديال الصحف الإيطالية والكاتالونية هاجمو حكم اللقاء، وبعضها تاهم النادي الملكي بأنه كيعطي الفلوس للحكام باش يفوز فالماتشات.

ووضحات الصحيفة في تقريرها أن الجميع داخل القلعة البيضاء ف”البيرنابيو” مفاهمش سبب كل هذا الهجوم والتهم الموجهة للنادي، وكيعتقدو أن جميع الأندية كتستفد من القرعة والحكام في كل موسم وحتى واحد مكيهضر عليهم ، وكلشي كيتهم الريال بالتلاعب في قرعة دوري أبطال أوروبا ونظرية الكرات الساخنة والباردة، ودابا بعدما ولا كيطيح مع فرق صعبة قلبو الموضوع وشدو فالحكام .

وأضاف التقرير أن إدارة الملكي برئاسة “فلورنتينو بيريز” قررات اتخاذ إجراءات قانونية ضد أي وسيلة إعلام أو نادي كيحاول يتاهم على النادي أو يشكك فنزهاتو، وذلك بالتوجه للمحكمة.