عثمان الشرقي ـ كود//

الروطال ولا زّايز كيف ما كيسمويه المغاربة مخلوق بحري فشي شكل عندو تمنية يال دماغات  كاينين فـ يديه، وكل وحدة كتقدر تخدم بوحدها، الشي اللي كيعطيه قدرة خارقة على الحركة والتفاعل بسرعة ودقة. أما الدماغ الرئيسي هو سيرفو اللي كينسّق ݣاع العمليات فالجسم وكيتخذ القرارات.

زايز عندو ثلاثة القلوب، جوج كيدوزو الدم للخياشيم باش يتشبع بالأوكسجين، والثالث كيوصل الدم لباقي الجسم، ولكن ملي كيعوم كيتبلوكا مؤقتًا، وهاذ السبب هو اللي كيجعلو يفضل الزحيف على العومان باش يوفر الطاقة.

دم روطال زرق بسبب مادة فيها النحاس سميتها الهيموسيانين، اللي كتخليه يتنفس مزيان فالأماكن الباردة ولي قليل فيها الأوكسجين، بحال أعماق البحر.

وخا ݣاع هاد الذكاء والتطور، زايز عمرو قصير، أغلب الأنواع كاتعيش ما بين عام وعامين فقط، باستثناء أخطبوط المحيط.

العملاق اللي كيقدر يعيش حتى خمس سنين وكيفوت 50 كيلو.