كود سبور//

جا المنتخب الوطني المغربي لكرة القدم يدير زيارة للمعرض الدولي للكتاب بالرباط صباح اليوم الجمعة، فالدورة ديالو 28 والممتدة من 1 يونيو إلى 11 من نفس الشهر.

وأفراد المنتخب الوطني المغربي ومعهم الناخب الوطني وليد الركراكي وصلو إلى معرض الكتاب وبداو كيديرو دورة فالأروقة ديالو، وهادي خطوة زوينة كتأكد أن الرياضيين عندهم اهتمام بالثقافة وتغدية العقل والروح، ويبدلو الصورة النمطية على الكوايرية بأنهم ما كيقراوش، النيفو الثقافي والدراسي ديالهم ضعيف.

للإشارة فالناخب الوطني وليد الركراكي وأفراد المنتخب الوطني المغربي لكرة القدم، ولاو فكل معسكر ديال ليكيب ناسيونال، كيديرو أنشطة موازية هدفها رفع مستوى الوعي فالمجتمع، بحال زيارة معرض الكتاب وزيارة سجن سالا ويمشيو يشوفو دار الأيتام.