كود سبور//

خدامين لاعبين المنتخب الوطني المغربي لكرة القدم، كايوجدو لمواجهتي إفريقيا الوسطى برسم الجولة الثالثة والرابعة من اقصائيات كاس افريقيا 2025.

وداير المنتخب الوطني المغربي حصة تدريبية فهاد اللحظات من نهار اليوم الاربعاء فمركز محمد السادس فسلا، تحت اشراف الناخب الوطني وليد الركراكي، اللي كايوجد هو والطاقم ديالو اللاعبين بدنيا وتكتيكيا للماتشات بجوج، بعدما تدربو اللاعبين جوج حصص مسائية البارح الثلاثاء وقبل منو يوم الاثنين.

وغايلعب المنتخب المغربي الماتش الاول ضد افريقيا الوسطى يوم السبت 12 أكتوبر الجاري، والماتش الثاني يوم 15 من نفس الشهر، والماتشات بجوج فمدينة وجدة.