كود سبور- أكادير//

أكد الناخب الوطني وليد الركراكي أن مواجهة كل من الكابون وليسوتو ضمن إقصائيات كاس إفريقيا 2025، مهمة بزاف للمنتخب المغربي واخا الأخير ضامن التأهل للمسابقة.

وهضر وليد الركراكي، خلال الندوة الصحافية اللي كاتسبق ماتش المغرب والكابون وقال: “الجوج ماتشات ضد الگابون وليسوتو غايعاونونا فالمستقبل، وبغينا نبقاو واجدين ونشوفو المنتخبات اللي يقدرو يديرو لنا المشاكل”.

وكمل الركراكي وقال: “وبالنسبة للگابون وليسوتو هما منتخبات لاعبين على التأهل لكوب دافريك يعني مواجهتهم ماشي سهلة وحنا خاصنا نستافدو من هاد الماتشات باش نكونو واجدين لإقصائيات كأس العالم فشهر مارس الجاي بعدا وطبعا لكأس أفريقيا 2025 فالمغرب”.