گود سبور//

شرح الناخب الوطني وليد الركراكي علاش دار تغييرات كبيرة على التشكيلة الأساسية ديال المنتخب الوطني المغربي ضد منتخب زامبيا ضمن الجولة الثالثة من دور مجموعة كاس إفريقيا، وهو الماتش اللي ربحو المغرب بنتيجة 3-0، وعرف غياب كل من جواد الياميق وسفيان أمرابط وأنس صلاح الدين، ودخول كل من آدم ماسينا ومحمد الشيبي وعبد الصمد الزلزولي، ومشاركة أشرف حكيمي لأول مرة فهاد البطولة ملي دخل فالدقيقة 64، بعد غياب على الماتش الأول والثاني حيث كان موعت.

ووضح وليد الركراكي، وقال: “عندنا 28 لاعب، وكل ماتش والاختيارات ديالو، وخاصنا نتأضبطاو على حسب الخصم، أنس صلاح الدين حس بألم داكشي علاش ما لعبش ضد زامبيا، وقبل كاس أفريقيا قررنا بلي اللي ما واجدش ما خاصوش يدخل، والدراري اللي غايدخل خاصهم يكونو 100% جاهزين”.

وكمل الركراكي، وقال: “اختارينا ندخلو محمد الشيبي كانتيق في حيث كانعرف الإمكانيات ديلو، أحسن ظهير أين فـ أفريقيا وربح شومبيونزليك، وكايعرف السيتيم ديالنا، وحمينا أشرف حكيمي حيث كان محتاج يلعب واحد ثلث ساعة”.

وزاد وضح الركراكي: “أما بالنسبة لاختيار وسط التيران راه كاينة المنافسة، وخصني ندير الاختيارات المزيانة فـ احسن وقت، فـ ماتش زامبيا بان ليا احسن وقت باش نبدا وباش نبدل شي حوايج، ولكن هذا الشي ما كايعنيش بلي هذا الحوايج غاديين يبقاو مفيكسين وثابتين،

وكمل الركراكي وقال: “حنا محتاجين لگاع اللاعبين واي واحد فيهم خاصو ياخد وقت يلعب باش نخليو الفريق متوازن، وحنا عائلة بيناتنا”.