كود سبور//

أكد الناخب الوطني وليد الركراكي أن حارس مرمى المنتخب الوطني المغربي ياسين بونو بخير ولم يتأثر بالخطأ ديالو أمام منتخب البرازيل اللي سجل منه الأخير هدف التعادل، وفنفس الوقت كبر بالكاري الاحتياطي منير المحمدي وقال أنه حارس ديما واجد ومحترف.

وقال وليد الركراكي فتصريح قبل ماتش المغرب والبيرو بإسبانيا: “أنا مدرب كيعطي الثقة للاعبين وكنتسناهم ديما يردوها ليا، وهذا اللي وقع مع ياسين بونو وردها ليا فالمونديال وقدم كأس عالم واعر واستثنائي”.

وزاد الركراكي وضح: “لكول كيبقى إنسان ويقدر يدير خطأ ولا 2، وياسين بونو غيتعلم من الخطأ اللي دار مع البرازيل، بونو حارس كبير وعندو الثقة ديالي والقوة ديالو أنه بين بلي هذاك الخطأ كان خير حادث وصافي”.
وبخصوص الحارس الاحتياطي منير المحمدي وقال الركراكي: “منير دائما موجود، وهذا الشي اللي يعجبني فيه ويخدم وعندو عقلية واعرة، وكيكون واجد ديما وهو شخص عندنا الثقة فيه وكيوجد راسو ديما باش يقدر يبدا أو ياسين بونو ما كانش بالمستوى ديالو وهذه قوة المنتخب المغربي اليوم عندنا 2 كوال النيفو ديالهم مزيان بزاف”.