كود سبور//

اكد الناخب الوطني المغربي ان الجيل الحالي فالمنتخب المغربي، غايكون من أحسن المنتخبات فالعالم خلال السنوات المقبلة.

وهضر الناخب الوطني وليد الركراكي بعد اكتساح المغرب للكونگو بـ6 لزيرو ضمن اقصائيات مونديال 2026، وقال: “عندنا اللاعبين مازال صغار وما خاصنيش نغلط ونلوحهم فالملاعب الأفريقية اللي ماشي ساهلة وحنا محتاجين للتجربة داكشي علاش كناخدو الوقت معهم والألعاب الاولمبية غاتكون مهمة باش يكبرو فالمستوى ديالهم”.

وكمل الركراكي: “هاد الفريق وخصوصا هاد اللاعبين غايكون من هنا 4 من اكبر المنتخبات وخاصنا نخدمو معهم فهاد المدة، وهذا الشي ماشي ساهل وفيه منافسة قوية والاختيارات غايكونو صعاب عندي، ولكن عندنا جيل زوين جاي، وانا اللي خاصني نلقا التوازن باش هاد الفريق يربح الماتشات ونوجدو للمستقبل باش هاد اللاعبين يبقاو يديرو الألقاب”.