كود سبور//

أكد الناخب الوطني وليد الركراكي، أن عدم استدعاء حكيم زياش لاعب گلطة سراي التركي إلى المنتخب الوطني المغربي لمواجهة أفريقيا الوسطى برسم الجولة الثالثة والرابعة من إقصائيات كأس أفريقيا “المغرب2024″، ونفس الشي بالنسبة لابراهيم دياز نجم ريال مدريد الإسباني، هو بسبب إصابة اللاعبين.

وخلال الندوة الصحافية اللي دار وليد الركراكي، اليوم الخميس، للإعلان على لائحة المنتخب المغربي لمواجهة أفريقيا الوسطى، وضح وقال: “حكيم زياش وابراهيم دياز موعتين، وزياش كان توعت فأخر ماتش لعبو معنا ومازال ما لعبش ودابا يالاه راجع للتداريب وابراهيم دياز توعت ملي رجع لريال مدريد ومازال ما عرفناش واش غايكون معنا فالتجمع ديال نوفمبر الجاي، وغانتواصلو مع الصطاف ديال ريال مدريد على قبل هذا الشي”.

وبخصوص اللاعبين ديال البطولة قال إن بإمكانهم يكونو فالمنتخب الوطني المغربي بشرط الخدمة، والباب مفتوح لهم ونفس الشي بحال لاعبين كايلعبو على برا بحال بوخلال وحارث وأن اللي كايستاهل غايكون فالمنتخب.