كود سبور//

نفى الناخب الوطني وليد الركراكي داكشي اللي راج منذ أشهر عن أن استبعاد حكيم زياش من المنتخب الوطني المغربي عندو علاقة بداكشي اللي كايحط على إنستغرام ديال فلسطين، وقال بللي ما بقاش كايعطي له حيث ما عندوش الفورما باش يلعب مع المنتخب الوطني، وأن القرار ديالو كناخب وطني، وملي غايرجع زياش للفورما ديالو غايعيط له حيث هو لاعب مهم بزاف بالنسبة ليكيب ناسيونال.

ووضح وليد الركراكي خلال الندوة اللي اعلن فيها على لائحة المنتخب المغربي لمواجهة النيجر وتنزانيا ضمن إقصائيات مونديال 2026، وقال: “سافرت لقطر باش نتفرج فالماتش ديال الدحيل مع السد باش نشوف حكيم زياش ورومان سايس، وما كتابش لرومان حيث توعت وكانتمنى له الشفا، ما كاين حتى مشكل حكيم زياش واحد اللاعب كبير اللي عطى بزاف للمنتخب وعطى المغرب وديما كانقول إن هذا اللاعب مهم لنا ولكن خاص يرجع الفورما”.

وكمل وليد الركراكي: وقال: “ملي سافرت نتفرج فيه كان رومبلاسمون، وما كانش لعب ودابا يالاه 2 ماتشات اللي لعب 90 دقيقة، وكانتمناو حنا الصطاف وگاع المغاربة أن حكيم زياش يرجع للمستوى ديالو، وكانعرفو أن حكيم زياش لاعب ديال موهبة ويقدر يعاونا، والقرار ديالي، والهدف ديالنا هو يكون عندنا زياش فالطوب ديال الفورما باش يكون معنا”.