كود سبور//
أكد الناخب الوطني وليد الركراكي أن غياب الدولي المغربي حكيم زياش على المنتخب المغربي فهاد التجمع الإعدادي الحالي استعدادا لمواجهة الگابون وليسوتو ضمن إقصائيات كأس أفريقيا هو اختيار تقني وهو المسؤول عليه وما كاين حتى شي مشكل مع شي لاعب.
وعلق وليد الركراكي على عدم استدعاء حكيم زياش وقال: “اتصلت به، ولكن خاصني نوضح حيث كاين بوليميك، حيث ما بقيتوش كاتفهمو شنو كاندير، حكيم زياش ما عندوش تنافسية وخاصو يرجع للفورما ديالو، وعايرجه ملي يرجع النيفو هو ديالنا وما كاين حتى مشكل لا بالنسبة له ولا بالنسبة ليا.
وزاد وضح الركراكي: “علاش شحال هادي كنت كانعيط له واخا ما كانش كايلعب ودابا ملي لعب 10 الدقايق ما عيطش له؟ اللي خاصكم تفهمو راه التنافسية اللي كانت قبل ماشي هي ديال اليوم، وكاين فرق بين اللاعبين اللي كانو فهاديك الوقت واللي كاينين دابا راه دابا التنافسية اكبر، وهذا الشي ما كايعنيش أن اللي اللي كانعيط لهم دابا غايبقاو يجيو حيث هذا الشي مرتبط بالتنافسية وما كاينش حتى مشكل مع حكيم زياش”.