كود سبور//

كشف الناخب الوطني وليد الركراكي، أن نجم البارصا لامين يامال اللي من أصول مغربية، كان واضح واختار يلعب مع إسبانيا، واخا المجهودات اللي دارها هو والجامعة الملكية المغربية لكرة القدم باش يلعب مع المغرب.

وقال وليد الركراكي خلال حوار له مع برنامج “شيرينگيتو”،! وقال: “هضرت مع لامين يامال، وكان صريح معيا ومع الجامعة الملكية المغربية لكرة القدم، ودرنا كل ما عندنا معه وشرحنا له المشروع ديالنا اللي فيه كأس أفريقيا 2025 فالمغرب وكاس العالم 2030، وما كذبش عليه وعيط ليا بكل آدب وقال ليا راني غانلعب مع الصبليون كانتمنى له التوفيق هو إنسان صادق وغايكون واحد من عظماء كرة القدم”.

وكمل الركراكي: “مع العائلة ديالو وحتى مع المحامي ديالو، والصراحة كانت هي أول حالة تعاملت معها ملي بديت ندرب المنتخب المغربي، حيث عيط ليا الجمهور وقالو ليا كاينة موهبة فالبارصا إلى قدرتو تجيبوها للمنتخب، ودرنا كلشي اللي قدرنا عليه وهذا كايبقى اختيار وهادي هي الكورة”.