كود سبور//

شكر الناخب الوطني وليد الركراكي الگابونيين على الاستقبال اللي داروه للمنتخب المغربي، ملي وصل البارح الأربعاء إلى العاصمة فرانس فيل، باش يلعب مع المنتخب الگابوني برسم إقصائيات كأس إفريقيا 2025، وقال إن الماتش غايكون صعيب هو تحدي بالنسبة لليكيب ناسيونال حيث برا المغرب، وأن گاع الفراقي من ورا مونديال 2022 ولاو باغيين يربحو المغرب وكايوجدو له مزيان.

وهضر الناخب الوطني خلال الحصة التدريبية قبل ماتش المغرب والگابون ضمن الجولة 5 من إقصائيات كأس إفريقيا، وقال: “فرحان حيث جيت للگابون وعندهم لاعبين مزيانين وحنا فرحانين هنا باش نلعبو معهم ماتش زوين وكانشكر الگابونيين على استقبالهم لنا”.

وبخصوص الماتش قال الركراكي: “من ورا مونديال قطر گاع الفراقي كايبغيو يربحو المغرب او على الأقل يماركيو علينا، توعتو لينا شي لاعبين والماتش ضد الگابون تحدي جديد حيث خارج بلادنا والمباراة غاتكون مفتوحة حيث بجوجنا متحررين من الضغط بعدما تأهلو حتى هما معنا لكوب دافريك”.