كود سبور//

تقلق الناخب الوطني وليد الركراكي حيث المنتخب المغربي ما كملش فالشوط الثاني ضد إفريقيا الوسطى بنفس الريتم اللي لعب به الشوط الاول وقد يماركي فيه 4 الاهداف، فماتش سالا بنتيجة 5 لزيرو، اليوم السبت برسم الجولة الثالثة من اقصائيات كاس افريقيا، قبل ما يعبر على الفرحة ديالو بالنتيجة ديال المباراة.

وهضر وليد الركراكي وقال فتصريح بعد الماتش: “كاينين بزاف ديال الحوايج إيجابيين، وكاينين اللي ناقصين، فالشوط الثاني ما دخلناش كيفما دخلنا فالشوط الاول باش نمشيو نماركيو وكان الديشي تيكنيك فالشوط الثاني وهذا الشي اللي كايخليني مقلق”.

وكمل الركراكي: “بالنسبة للتغييرات، الدراري اللي كايدخلو كانتسنا منهم الإضافة، ولكن ماشي ساهل تربح بـ5، واللاعبين مازال عندهم ماتشات مع الاندية ديالهم وشي حاجة عادية يفكرو فاللي جاي، ولكن كايبقى هذا الشي إيجابي فماتش ماركينا فيه بسرعة وقدرنا نقتلو الماتش يعني هذا الشي إيجابي وخاصنا نمشيو بهاد العقلية، والماتش ديال الثلاثاء بان ليا غايكون مختلف، ولكن على العموم هذا الشي ايجابي وانا فرحان”.