كود سبور//
ضرح الناخب الوطني وليد الركراكي بللي الدولي المغربي أشرف حكيمي ما قصرش من جهدو فمواجهة صاحبو الفرنسي كيليان مبابي خلال نصف نهائي كأس العالم قطر 2022، وأن النجم المغربي عندو المنتخب المغربي قبل أي شيء.
وخلال المرور ديالو مع قناة كنال بليس الفرنسية تحدث وليد الركراكي، على العلاقة ما بين أشرف حكيمي وكيليان مبابي وتأثيرها على المواجهة بينهم فدومي فينال كوب ديموند بين المغرب وفرنسا.
وكشف الركراكي على حوار دار ما بينو بين حكيمي قبل الماتش وقال: “قلت لأشرف حكيمي راك غادي تلعب ضد صاحبك فنصف نهائي كأس العالم، وجاوبني قال ليا الماتش ما فيه صحبة”.
للإشارة فقدم أشرف حكيمي ماتش كبير ضد فرنسا، وكان فمنافسة شرسة مع كيليان مبابي ودخل معه فالصراع على الكرة والالتحمات الثنائية، ومن بعدما سالا الماتش تعانقو وقام مبابي بمواساة حكيمي.
