كود سبور كازا//
نجح الدولي المغربي ابراهيم دياز وعتق المنتخب الوطني المغربي من تعادل بطعم الخسارة أمام منتخب ليسوتو المتواضع اليوم الاثنين فتيران أكادير الكبير برسم الجولة 2 من إقصائيات كاس إفريقيا 2025.
وسالا الماتش بين المنتخب الوطني المغربي ومنتخب ليسوتو بنتيجة واحد لزيرو، وما قدروش ليكيب ناسيونال يماركيو طيلة الـ90 الدقيقة وتسناو الوقت بدل الضائع فين قدر يسجل براهيم دياز هدف الرباح بعد تمريرة من حكيم زياش وتهيئ الكرة بالصدر من يوسف النصيري وبراهيم دياز حط الكورة وراوغ دفاع ليسوتو وماركا الهدف.
المباراة بين المغرب وليسوتو، عرفت تغيير الناخب الوطني وليد الركراكي للتشكلية الرسمية للمنتخب المغربي بشكل كبير، حيث بدا باللاعبين الاحتياطيين منير المحمدي ويونس عبد الحميد اللي دخل فبلاصة الاحتياطي الاخر اشرف داري اللي توعت فالتسخينات.
ودخل ايضا بكل من أدم أزنو اللي دار ماتش مزيان فأول مباراة له مع ليكيب ناسيونال، وأسامة تيرغالين، وامير ريتشاردسون، وإلياس أخوماش، وأمين عدلي، وأيوب الكعبي.
وفالشوط الثاني، دار الركراكي تغييرات ودخل من حكيم زياش، وبراهيم دياز، ويوسف النصيري، وسفيان رحيمي، وعبد الصمد الزلزولي ولكن بقات النتيجة كما هي عليه زيرو لزيزو، وليكيب ناسيونال بالنجوم الكبار اللي فيها ما قدروش يختارقو دفاع منتخب ليسوتو حتى للوقت بدل الضائع فين قدر يماركي براهيم دياز هدف الرباح.
وبهذا رباح خدا المنتخب المغربي 3 نقاط رفع بها الرصيد ديالو إلى 6 نقاط، ومتصدر المجموعة الثانية من الاقصائيات، أما منتخب ليسوتو بهاد الخسارة بقى فالمركز الأخير بصفر نقطة.
ماتش كيبين باللي مدرب الاسود وليد الركراكي غادي بينا للحيط. خاص الاسود مدرب بمستوى وقيمة لاعبيه. المدرب الحالي تقاضات ليه. تلف
