كود سبور//

كشف الناخب الوطني وليد الركراكي علاش رجع المدافع آدم ماسينا للمنتخب الوطني المغربي، بعد كثر من عامين ديال الغياب، ولمح إلى أن الضرورة هي اللي خلاتو يعيط له بسبب إصابات المدافعين فالمنتخب.

وقال وليد الركراكي فتصريح له خلال الندوة الصحافية اليوم الثلاثاء بمركز محمد السادس: “خاصني نرجع نشوف آدم ماسينا، حيث آدم شحال باش ما جاش معنا، وداز من وقت ما كانش ساهل عليه، كان توعت فواحد الوقت قبل لاكوب ديموند، وورا لا كوب ديموند”.

وكمل الركراكي: “ماسينا بدل البوسط ديالو وآدم اليوم راه لاعب ظهير ومدافع وسط دفاعي تيتيلور فبطولة الطاليان ولو أنه كايلعب بشكل فيه 3 المدافعين، وعيطنا عليه على قبل لاربما يكون عندنا إصابات بحال الإصابة ديال شادي رياض وكنا خايفين من الإصابة ديال نايف أكرد”.