كود سبور-أكادير //

اعتبر الناخب الوطني وليد الركراكي، أن المنتخب المغربي فيه حاليا جيل كبير من اللاعبين اللي نساو الجمهور المغربي فالأجيال الأخرى.

واستغل وليد الركراكي الندوة الصحافية اللي كاتسبق ماتش المغرب والگابون، وعطى مثال بأشرف حكيمي ونصير مزراوي، وقال أنه شرف ليه يكون مدرب للاعبين لعبو فريال مدريد وباريس سان جيرمان وأياكس وبوروسيا دورتموند وبايرن ميونخ.

وقال بالضحك، أن الثنائي أشرف حكيمي ونصير مزراوي الظهيرين، نساو كلشي فيه هو كلاعب وفصابر وفأبرامي، كأحسن لاعبين لعبو أظهرة فتاريخ الكورة المغربية، وما خلاو لهم ما يعاودو لولادهم.