كود سبور//

أكد الناخب الوطني وليد الركراكي، أن الدولي المغربي أشرف حكيمي ما غايلعبش ماتش المنتخب الوطني المغربي ضد منتخب ليسوتو ضمن إقصائيات كأس إفريقيا 2025، وأنه مشى الفريق ديالو باريس سان جرمان الفرنسي باتفاق مع الجامعة الملكية المغربية لكرة القدم.

وشرح وليد الركراكي، كفاش تم السماح لأشرف حكيمي باش يمشي من معسكر المنتخب المغربي وما يلعبش ضد ليسوتو، وقال فتصريح له: “أشرف حكيمي خلى الگروب ومشى بالموافقة ديالي أنا والصطاف ديالي والجامعة الملكية المغربية لكرة القدم”.

وكمل الركراكي وقال: “عندنا اتفاق مع باريس سان جرمان باش خلاو لنا أشرف لعب معنا فالألعاب الأولمبية، والاتفاق هو نطلقو لهم أشرف ماتش فالعام وحنا اختارينا الماتش ديال غدا ضد ليسوتو، وراه سافر معنا إلى الگابون ودابا غيرجع للفريق ديالو باش يريكيبيري وهاكا نتفاداو حتى الإصابات ونعطيو فرصة للاعبين اخرين”.