كود سبور//

تصالح الدولي المغربي جمال حركاس مع المحبين ديال مولودية وجدة الفريق ديالو السابق، وهاد الشي بعد ماتش المغرب وليسوتو اليوم الاثنين فتيران وجدة، ضمن إقصائيات كأس أفريقيا 2025.

وبخصوص هاد الشي قال الناخب الوطني وليد الركراكي، ملي سالا الماتش بين المغرب وليسوتو برباح المغرب بـ7 لزيرو: “حركاس اعتذر من الجمهور وداكشي اللي وقع بيناتهم ما عجبش اللاعبين، ودابا تصالحو وفرحو به وخاصنا حب المغاربة باش نديو كوب دافريك”.

وكانو شي وحدين محسوبين على محبين مولودية وجدة كايصفرو صافرات الاستهجان كلما شد جمال حركاس الكرة فماتش المنتخب المغربي فوجدة، وهذا الشي خلف سخط كبير وقلق اللاعبين والجمهور المغربي.