الرئيسية > كود سبور > الركراكي حدد موعد الإعلان على لاليست المنتخب المغربي استعداد لماتشات أونگولا وموريتانيا
05/03/2024 13:03 كود سبور

الركراكي حدد موعد الإعلان على لاليست المنتخب المغربي استعداد لماتشات أونگولا وموريتانيا

الركراكي حدد موعد الإعلان على لاليست المنتخب المغربي استعداد لماتشات أونگولا وموريتانيا

كود سبور//

غيعلن الناخب الوطني المغربي وليد الركراكي على لائحة اللاعبين اللي غيحضرو للجوج ماتشات الوديين ديال المنتخب الوطني المغربي ضد أنكولا وموريتانيا، فالتوقف الدولي الجاي.

ومن المنتظر يكشف الناخب الوطني وليد الركراكي على لاليست ديال اللاعبين اللي غيعيط لهم للجوج ماتشات الجايين، يوم 14 من هاد مارس، ومن بعدها يدخل المنتخب الوطني المغربي يوم 18 من نفس الشهر فمعسكر إعدادي فمركز محمد السادس لكرة القدم، ومن المنتظر تعرف لاليست ديال ليكيب ناسيونال تواجد أسماء جديدة، وكاين ترقب كبير لاختيار لاعب ريال مدريد إبراهيم دياز واش غيكون فاللائحة النهائية ديال الركراكي في ظل التنافس على الخدمات ديالو مع إسبانيا.

وغيلعب المنتخب الوطني المغربي يوم 22 من هاد مارس ضد أنگولا فتيران أدرار فأكادير، وبعدها وفنفس التيران غيلعب ضد منتخب موريتانيا يوم 26 من نفس الشهر، والماتشات بجوج وديين وهما أول لقاء للمنتخب المغربي مع الجماهير المغربية بعد الإخفاق فكوب دافريك ’’الكوت ديفوار 2023‘‘.

موضوعات أخرى

22/04/2024 07:00

قاضي التحقيق بابتدائية سطات هبط موظف سجن عين علي مومن الحبس وها التهم للي توجهات ليه