كود سبور//

اعتبر الناخب الوطني وليد الركراكي أن أمين حارث نجم أولمبيك مارسيليا الفرنسي ماشي ديال الاحتياط، وداكشي علاش ما كايعيطش له مدة هادي للمنتخب المغربي، باش ما نحطوهش احتياطي.

وخلال الندوة الصحافية ديال وليد الركراكي استعدادا لمواجهة أفريقيا الوسطى برسم الجولة الثالثة والرابعة من إقصائيات كأس إفريقيا 2025، قال وليد الركراكي: “أمين حارث لاعب معروف داز مع هيرفي رونار ومع وحيد حاليلوزيتش ومعيا، وعندو بلاصة مهمة فالفريق وملي غانحتاجو غانعيط له باش يلعب ماشي باش نگلسو فالاحتياط، وحتى هو ما غايبغيش يكون احتياطي”.

وكمل الركراكي وقال: “دابا كانبغي نعيط على لاعبين كايتطورو وعندهم قدرات وكانتيق فيهم بحال بلال الخنوس وهادي عامين وهما معنا، وعطاو بزاف وربحو كاس أفريقيا لأقل من 23 عام وربحو ميدالية برونزية فأولمبياد باريس، وحارث ديما فالمشروع ديانا وديما فاللائحةئحة الأولية ديال المنتخب”.