كود سبور//

عبر الناخب الوطني وليد الركراكي على الفرحة ديالو حيث لاعبين المنتخب المغربي كيربحو الالقاب مع الفريق ديالهم اللي محتارفين فيها على برا، وأكد ان هذا الشي مزيان للمنتخب.

وهضر وليد الركراكي خلال الندوة اللي دار اليوم الثلاثاء، لتقديم لاليست ديال المنتخب المغربي استعدادا لمواجهة كل من زامبيا والكونگو ضمن اقصائيات كاس العالم 2026، وقال: “دابا اللاعبين ديال المنتخب المغربي كاملين كيلعبو فالمستوى الكبير وكايديو الالقاب وهذا الشي إجابي للمنتخب وكنا كنقلبو عليه من شحال هادي”.

وكمل الركراكي وقال: “كنبارك لهم واحد بواحد، راه ملي كيديو الالقاب يرفعو العلم المغربي وحنا فرحانين بهم وهذا الشي كيفرحنا بزاف”.