كود سبور- وجدة//

اعتبر وليد الركراكي مدرب المنتخب الوطني المغرب، ان الهدف اللي ماركاو النيجر على المنتخب المغربي، كان تصرفيقة فيقاتو هو واللاعبين، وان هذا الماتش هو سيناريو مزيان لهم ودرس قبل من كاس افريقيا.

وهضر وليد الركراكي بعدما ربح المنتخب المغربي منتخب النيجر بنتيجة 2 لواحد فتيران وجدة برسم الجولة 5 من اقصائيات كاس العالم 2026، وقال: “المهم هو الرباح، والنيجر صدمونا بهدف مع البدية ديال الشوط الثاني، وكان تصرفيقة خلاتنا نفيقو فالماتش، وكاينين شي لاعبين اللي كايصحابو ريوسهم دارو بلاصتهم فالمنتخب ولكن هذا الشي ما كاينش، وكل واحد خاصو يضارب على بلاصتو، واللي ما عطاش الإضافة يقدر يلقى راسو برى لاليست”.

وكمل الركراكي، وقال: “مزيان نعيشو بحال هاد السيناريوهات اللي عشنا ضد النيجر، قبل كاس افريقيا حيث غاتخلينا نبقاو متواضعين وما نتغروش، والنيجر ومدربهم الزاكي دارو لينا مشاكل فهاد الماتش”.