كود سبور//

أكد الناخب الوطني وليد الركراكي مشاركة المغرب فكأس أفريقيا للمحليين 2024، وأيضاً فكأس العرب المقبلة ولكن ماشي بالمنتخب الأول المحلي.

وكشف الناخب الوطني وليد الركراكي خلال الندوة الصحافية اللي علن فيها، اليوم الخميس، على لائحة المنتخب الوطني المغربي لمواجهة منتخب أفريقيا الوسطى برسم الجولة الثالثة والرابعة من كأس أفريقيا 2025، أنه هو ورئيس الجامعة الملكية المغربية لكرة القدم والإدارة التقنية للجامعة طراساو واحد الطريق اللي من خلالها غايشارك المغرب فكأس العرب وكأس أفريقيا للمحليين بالمنتخب المغربي لأقل من 23 عام”.

ووضح وليد الركراكي، وقال: بغينا نطلعو النيفو ديال ليجون البطولة ووصلو للمستوى باش يكبرو فهاد المنافسات، وحنا ما كايهمونش اللاعبين اللي عندهم 32 او 33 يمشيو يلعبو الشان ويلعب كأس العرب ويبين راسو باش يمشي من بعد يسني مع فرق اخرى، وحنا اللي كايهمنا هو التكوين ونعطيو الفرصة للاعبين الشباب، وفكأس العرب والشان غانمشيو بلاعبين من موليد 2000 للتحت”.