كود سبور//

أكد الناخب الوطني وليد الركراكي أن العقد ديالو مع الجامعة الملكية المغربية لكرة القدم  فيه حتى لكأس العالم 2026، ولكن إلى ما ربحش المغرب كأس أفريقيا 2025 غايمشي بحالو.

وقال وليد الركراكي خلال حوار له فبرنامج “شيرينگيتو” الإسباني: “عندي عقد حتى لكاس العالم 2026، ولكن إلى ما ربحناش كأس أفريقيا 2025، العقد ديالي غيسالي وغانمشي بحلي”.

وجوابا على سؤال “واش العقد ديالك يعتمد على التتويج بكأس إفريقيا؟” قال الركراكي: “لا ولكن كانعرف هاد الخدمة مزيان، إلى ما ربحتيش راك عارف شنو خاص دير وهادشي طبيعي، ولكن هذا الشي ما خالعنيش اللي كايهمني دابا هو تركيز الفريق وخاصنا نوجدو مزيان وعندنا واحد 6 ولا 7 شهور قبل كأس إفريقيا”.