كود سبور//

أكد الناخب الوطني وليد الركراكي أن الماتش ديال المنتخب الوطني المغربي ضد منتخب البرتغال فربع نهائي كأس العالم قطر 2022، غادي يكون صعيب وغادي يدخل باش يدير المفاجأة كيفما وقع فالماتشات اللي فاتو.

وقال وليد الركراكي فالندوة الصحافية اللي كتسبق ماتش المغرب والبرتغال: “طحنا مرة أخرى مع منتخب من أحسن المنتخبات فالعالم وعندو لعابا كيمارسو ففرق كبار، ولكن غادي نديرو المفاجأة كيفما درنا فالماتشات اللي فاتو مع إسبانيا وبلجيكا وكرواتيا، وراه حتى حد ما كان كيتوقع نتأهلو لربع النهائي”.

وزاد الركراكي وقال: “ماتش مهم بزاف باش نزيدو نكتبو التاريخ وحنا متحمسين له بزاف باش نتفوقو فهاد التحدي، المباراة ما بين المنتخبين غادي تكون متوازنة وغادي تلعب على جزئيات صغيرة”.