گود سبور//

كشف الناخب الوطني وليد الركراكي واش كاين شي إصابات داخل المنتخب الوطني المغرب، باستثناء رومان سايس اللي توعت فماتش المغرب وجزر القمر اللي فات ضمن الجولة الأولى من دور مجموعات كاس افريقيا.

وخلال الندوة الصحافية اللي كاتسبق ماتش المغرب ومالي غدا الجمعة، استغرب الناخب الوطني وليد الرگراكي من الإشاعات اللي كاتروج على ان نايف أكرد توعت، ونفى هذا الشي وقال بلي اللاعب لاباس عليه وبخير وكايتريني عادي مع الكروب.

الركراكي اكد ان الاصابة الوحيد اللي كاينة دابا هي ديال رومان سايس، وبخصوص حمزة إيكمان قال راه متبع البرنامج ديالو، اما امتى غادي يلعب اشرف حكيمي فالركراكي قال انه مازال ما عرفوش واش غادي يلعب غدا ضد مالي ولا لا، وان المهم هو يكون فالبطولة كاملة وماشي محتاجينو غير فـ ماتش.