گود سبور//

اعترف وليد الركراكي الناخب الوطني المغربي، بأنه كان غالط ملي مشى عند مبيمبا كابيتان الكونكو الديمقراطية، فكوب دافريك وانه ما كانش عليه يمشي عندو.

وهضر الناخب الوطني وليد الركراكي فحوار على قناة الرياضية، وقال: “كاين شي حاجة مع الوقت أنا درت غلط مرة مرة كتمشي بالنية ديالك تسلم على الاعبين والمدربين، يمكن ماشي هذا هو الوقت اللي خاصني ندير هذا الشي وانا كنتعلم، واللاعبين ما معمرني ما غنقرب منهم”.

وكمل الركراكي: “حيدو ليا العقوبة، ومكانش خاصني نشدو من يديه باش نقوليه عطيني شويا ديال الاحترام، ويمكن حتى هذا الشي ما عاونش المنتخب، وعطيت فرصة فين يضربونا ويضربو الفريق.

واضاف الركراكي: “الدور ديالي هو نحمي الفريق ولكن درت هاد الغلط بنية حسنة، وهما شدو هاد الشي باش يدخلو لنا المشاكل للفريق ولكن ما برزطناش هذا الشي بزاف من غير انها اثرت على اللاعبين شويا فماتش زامبيا وفالوتيام ما كانتش مشاكل”.