گود سبور//

اللي بغا يمتع راسو هو وصحابو ويمشيو يتفرجو فماتش المنتخب الوطني المغربي والبرازيلي فكاس العالم ف Skybox ديال تيران ميتلايف فنيوجيرسي فالميريكان، خاص غير يكون مرفح مزيان.

ووصال حاليا ثمن Skybox ديال ماتش المغرب والبرازيل فتيران ميتلايف فنيوجيرسي، لـ156 الف دولار اللي هي حوالي 150 مليون سنتيم مغربية، وهاد Skybox كاتهز 24 بلاصة، ويقدرو يتفرضو عائلة ولا شي صحاب ويمشيو يتمتعو، وراه موفر فيها الماكلة والشراب والطاسة.

وكاين إقبال كبير على تذاكر قمة المغرب والبرازيل ضمن الجولة الاول من المحموعة الثالثة ديال كاس العالم 2026، وهو الماتش اللي غادي يتلعب يوم 13 يونيو 2026 مع 11 د الليل بالتوقيت المغربي.