كود – كازا////

فالساعات الفايتة خرجو عدد من الرابط على مواقع التواصل الاجتماعي وتم تداولها حتى بيه بين مستعملي التراسل الفوري “واتساب” كتهضر على أن شركة “إفريقيا” غادي تعطي قسيمة ديال المازوط وليصانص بلا فلوس. طبعا هادشي كذوب.

الشركة خرجات ببيان توضحي وحذات فيها من هاد الاخبار اللي كلها كذوب وماشي صحيحة. وقالت باللي أن هاد الرسائل المتداولة حاليا واللي تتضمن روابط أو طلبات مشبوهة معندها بيها حتى شي علاقة نهائية.

كما دعت “إفرقيا” الناس إلى عدم التفاعل مع هاد الروابط بشكل نهائي أو التداول ديالها أو شي حاجة بحال هكا.

وقالت شركة أفريقيا (Afriquia SMDC) باللي غير معنية إطلاقاً بهذه الرسائل، وانها كدين بشدة كل محاولة ترمي إلى انتحال هويتها، أو الإساءة إلى صورتها وسمعتها.

ودعت المواطنين “الى التحلي بأقصى درجات اليقظة والحذر، إذ يمكن رصد محاولات الاحتيال هذه من خلال مجموعة من المؤشرات، من بينها:
• وجود روابط مشبوهة أو غير مؤمنة؛
• رسائل تتضمن وعوداً مبالغاً فيها، أو عروضاً مغرية بشكل غير اعتيادي؛
• أي طلب يتعلق بمعطيات شخصية أو معلومات سرية.

واكدات باللي “جميع تواصلاتها الرسمية تصدر حصرياً عبر قنواتها المعتمدة والموثوقة” واضافت باللي باشرات “بالفعل الإجراءات اللازمة لدى السلطات المختصة والشركاء المعنيين، من أجل وضع حد لهذه الممارسات الاحتيالية”

وشددات باللي “سلامة وحماية المعطيات الشخصية لزبنائها وشركائها، تحظى بأولوية قصوى لدى شركة أفريقيا (Afriquia SMDC).