كود – طنجة //
وقف اليوم الجمعة الترونسبور البحري بين طريفة و طنجة ، بسبب الحالة الجوية اللي كيعرفها جبل طارق ، هاد القرار جا بعدما تزادت خطورة الأحوال الجوية، الشي اللي خلا السلطات المينائية تاخذ تدابير احترازية باش تحافظ على سلامة المسافرين.
وقرّرو جوج ديال شركات الملاحة، “باليريا” و”أفريكا موروكو لينك”، يلغبو جميع الرحلات اللي كانت مبروغرامية من ميناء طريفة فهاد النهار، وهاد الشي راجع للرياح القوية وعلوّ الموج بشكل كبير، اللي ولى كيشكّل خطر على الملاحة وما بقاتش الرحلات آمنة فهاد الظروف.
