الرئيسية > آش واقع > الرحامنة مهد البام.. قيادات التراكتور ردات على نرجس بزيارة المنطقة واستقطاب الأعيان
13/06/2021 14:30 آش واقع

الرحامنة مهد البام.. قيادات التراكتور ردات على نرجس بزيارة المنطقة واستقطاب الأعيان

الرحامنة مهد البام.. قيادات التراكتور ردات على نرجس بزيارة المنطقة واستقطاب الأعيان

كود الرباط//

الرحامنة مهد حزب الأصالة والمعاصرة، المدينة اللي انطلق فيه التراكتور بقيادة فؤاد علي الهمة مؤسس الحزب، سنة 2008، لكن بوادر التأسيس بدات قبل من هاد المدينة اللي عرفات هاد نهار انزال قيادات البام للحفاظ على المقاعد البرلمانية اللي كيحصلها فهاد المنطقة.

هاد الزيارة اللي دارت قيادات التراكتور للرحامنة، جات مور الخلاف الكبير بين المكتب السياسي للحزب وحميد نرجس، خال الهمة واحد مؤسسي الحزب، بحيث أن “نرجس اللي بغا يفرض شروطو على اللجنة الوطنية للانتخابات من خلال طموحه فرئاسة الجهة، لقا ضربة من الحزب برفض تزكيته على رأس لوائح البام”.

وكانت مصادر “كود” قد كشفت عن خلاف عميق بين نرجس وفاطمة الزهراء المنصوري، المرأة الحديدية ورئيسة المجلس الوطني، الأخيرة اللي قادت الزيارة للرحامنة بدعم من الأمين العام واللجنة الوطنية للانتخابات.

ويعول البام على جهة مراكش لكسب مقاعد انتخابية مهمة، في الوقت الذي تعرض فيه لهزات بشمال المغرب.

وحضر في اللقاء كل من محمد الحموتي رئيس اللجنة الوطنية للانتخابات، وسمير كودار القيادي فالحزب ونائب رئيس جهة مراكش اسفي، واحمد اخشيشن احد مؤسسي الحزب، واعضاء فالمكتب السياسي.

الرحامنة فيها 3 مقاعد، ف 2016 جاب البام جوج مقاعد والبي جي دي 1، بحيث حصل التراكتور على كثر من  50 في المائة من الأصوات.

موضوعات أخرى

27/07/2021 21:30

شيافر الطاكسيات فمكناس كاعيين بسباب قرار جوج بلايص.. وشيفور لـ”كود”: مكرفصين ومتضررين ماديا ومول الطاكسي مايعقلش عليك وغيبغي روسيطتو كاملة