عمر المزين – كود///

علنات وزارة الانتقال الرقمي وإصلاح الإدارة باللي بمناسبة دخول شهر رمضان غادي يتم الرجوع للساعة القانونية ديال المملكة (توقيت غرينيتش GMT)، وهاد الشي غادي يكون مع الثلاثة ديال الصباح نهار الأحد 15 فبراير 2026.

ووضحات الوزارة باللي هاد القرار جا تطبيقا لقرار رئيس الحكومة رقم 3.06.26 الصادر فـ29 يناير 2026 الموافق لـ9 شعبان 1447، والمتعلّق بالرجوع للساعة القانونية ديال البلاد خلال شهر رمضان.

وزادت الوزارة فبلاغها باللي من بعد ما يسالي شهر رمضان، غادي تتم إضافة ستين دقيقة للساعة القانونية، ابتداء من جوج ديال الصباح نهار الأحد 22 مارس 2026.