كود سبور//

عرفت الاندية المغربية المشاركة فالمسابقات الأفريقية، على خصومها فالدور الثاني من الدور التمهيدي سوا فدوري ابطال إفريقيا او كاس الكونفدرالية الإفريقية.

وبالنسبة للرجاء الرياضي، غايلعبو ضد سامارتيكس 1996 الغاني فالدور التمهيدي الثاني من شومبونزليگ، ماتش الذهاب غايكون فغانا بين 13 و 15 سبتمبر الجاي، ماتش الروتور غايكون فالمغرب بين 20 و 22 من نفس الشهر، ونفس الشي بالنسبة لفريق الجيش الملكي اللي غايلعب ضد فريق المريخ السوداني، فالألي غايكون فميدان الفريق السوداني والروتور فالمغرب.

أما فريق نهضة بركان، غايلعبو ضد الدور التمهيدي الثاني من كاس الكونفدرالية الإفريقية ضد فريق دادجي إفسي من البنين، ماتش الذهاب غايكون فالبنين بين 13 و 15 سبتمبر الجاي، والروتور فالمغرب بين 20 و 22 من نفس الشهر.