كود سبور//

ما بقاوش الرجاء الرياضي غايمشيو يلعبو مع ريال بتيس الإسباني فالصبليون، وتقرر إلغاء المعسكر اللي كان منتظر يكون فإسبانيا.

وحسب الرجاء الرياضي، فقرار إلغاء الماتش ضد ريال بيتيس، جا بعد اجتماع بين مكونات الطاقم التقني بقيادة المدرب  الجديد روسمير تسفيكو والمعد البدني عمر بنونيس، للوقوف على درجة جاهزية المجموعة، خصوصا بعد ما تم تقرير تواريخ مقابلات الدور التمهيدي للعصبة الأفريقية.

وتقرر أن الفريق ملي يرجع من تونس اللي كاين فيها دابا فمعسكر تدريبي، يكمل الاستعدادات ديالو بالمغرب وما يمشيش للصبليون.