كود سبور//

غايقدرو الرجاء الرياضي يشاركو فدوري ابطال افريقيا الموسم الجاي، وهذا الشي بعدما لقاو حل للنزاعات اللي عندهم.

وقدرو الرجاء الرياضي برئاسة محمد بودريقة يحلو مشكل 4 ديال النزاعات بتوقيع التزامات مع الأطراف اللي متنازعين معها لتسديد مستحقاتها فآجال محددة.

وكايتعلق الأمر بكل من النزاع مع اللاعب السابق للفريق يوسف غرب اللي كايتسال 100 مليون سنتيم، ومحمود بنحليب اللي كايتسال كثر من 200 مليون، والحزم السعودي اللي كايتسالو 50 مليون من صفقة انتقال نوفل الزرهوني للرجاء، و50 مليون سنتيم كايتسالوها سان بيدرو الافواري من صفقة انتقال روجرز اهولو للخضرا.

وخدامين الرجاء الرياضي كايحلو فمشاكل النزاعات والديون المتراكمة على النادي، باش يخلقو توازن مادي، مع العلم ان النزاعات اللي مجموعة على الفريق كاتوصل القيمة ديالها إلى 3 المليار سنتيم.