كود سبور//

قرر الالماني جوزيف زينباور مدرب الرجاء الرياضي وإدارة النادي، يديرو مدرب حراس مؤقت بلاصة الايفواري ستيفن لوبوي اللي مشى لشالكة الألماني.

وكلفو الرجاء الرياضي سعيد الدغاي الحارس السابق للفريق واللي فايت له خدم مع الخضرا كمدرب حراس مرمى، باش يتريني بالگوال مؤقتا حتى تسالي منافسات كاس العرش.

وكايوجدو الرجاء الرياضي دابا لمواجهة مولودية وجدة ضمن نصف نهائي كاس العرش، فالماتش اللي غايتلعب الثلاثاء الجاي فأكادير.