كود سبور//

كشفت مصادر مطلعة، أنه كاين إجماع داخل المكتب المديري للرجاء الرياضي على أن المدرب البرتغالي ريكاردو سا بينتو ما عندو ما يعطي للفريق، وخاصو يمشي بحالو.

وبعدما دارو اجتماع البارح الاحد بالليل فتيران الوازيس بالدار البيضاء، اقتنعو أعضاء المكتب المديري للرجاء الرياضي برئاسة عادل هالا، بأنه ضروري خاص تكون قرارات حاسمة فالفريق وفوقت قريب.

وحسب نفس المصادر، فالمسؤولين ديال الرجاء الرياضي كايتسناو رجوع الفريق من جنوب إفريقيا إلى المغرب، باش يگلسو مع سا بينتو ويتفاوضو معه ينقص من قيمة الشرط الجزائي لفسخ العقد اللي القيمة ديالو 500 مليون سنتيم، ويتفارقو معه بالتراضي.