كود سبور//

يقدرو يلعبو الرجاء الرياضي كأس الكونفدرالية الإفريقية، الموسم الجاي، واخا الفريق احتل المركز 8 فبطولة هذا الموسم وودع كأس العرش من ثمن النهائي.

وكشفت مصادر مطلعة، أن الرجاء الرياضي فطريقهم يلعبو كأس الكونفدرالية الإفريقية الموسم الجاي ويشاركو فيها مع الوداد الرياضي اللي تأهلو لها باحتلالهم المركز الثالث فالبطولة الاحترافية.

ووضحت نفس المصادر أن اختيار الرجاء الرياضي للمشاركة فكأس الكونفدرالية الأفريقية، واللي مازال ما تحسمش بصفة نهائية، غايكون باعتبار الفريق هو بطل النسخة اللي فاتت من كأس العرش، حيث النسخة الحالية مازال ما تلعب الفينال ديالها، وما غايكون حتى لشهر يوليوز الجاي، والكاف خاصهم يتوصلو بلاليست الفرق المشاركة فكاس الكونفيدرالية ودوري أبطال إفريقيا قبل هذا الموعد.