كود سبور//

غايديرو الرجاء الرياضي الجمع العام التكميلي الخاص بالفترة الرئاسية ديال الرئيس السابق للنادي عزيز البدراوي، بعدما تأجل هذا الجمع العام لأكثر من مرة.

وحددو الرجاء الرياضي موعد الجمع العالم التكميلي المتعلق بالفترة الخاصة بعزيز البدراوي عن الموسم الرياضي 2023/2024، غدا الثلاثاء على الساعة 7 ديال العشية، بمقر أكاديمية النادي.

وباغيين المنخرطين ديال الرجاء الرياضي يتحاسبو مع عزيز البدراوي على الفترة الرئاسية ديالو، بعدما كانو رفضو التصويت على التقرير المالي اللي كان عطاهم خلال الجمع العام ديال العام اللي فات ملي كان غادي بحالو وطلع محمد بودريقة رئيس.

وللإشارة فعزيز البداروي كاين دابا رهن الاعتقال الاحتياطي، فسجن عكاشة، ومن فبراير اللي فات إلى جانب عدد من الأشخاص بشبهة تلاعبات فصفقة النظافة بجماعة بوزنيقة.