گود سبور//
قررو الرجاء الرياضي بتنسيق مع السلطات العمومية، تطوير طريقة دخول الجمهور للتيران فماتشات الفريق، لمحاربة المارشي نوار ديال التيكي وباش الجمهور يرتاح من الزحامات، ودابا كاينة غير الرقمنة وهادوك التيكي ديال لوراق اللي كايتزورو بسهولة صافي باي باي ما بقاوش.
وغادي يولي الدخول لستاد دونور فماتشات الرجاء الرياضي باعتماد نظام جديد كايعتمد حصريا على التذاكر الرقية من تطبيق Raja Ticketing by Tadakir، وهذا الشي في إطار تطوير تجربة الجماهير وتعزيز شروط الأمن والتنظيم من طرف النادي وبتنسيق تام مع السلطات العمومية.
الدخول للتيران غادي يكون غير بالتطبيق الرسمي، وتحميل التطبيق وتسجيل الدخول باستخدام الحساب الشخصي إلزامي،!!التذكرة الرقمية داخل التطبيق (QR Code هي هي الوسيلة الوحيدة للدخول، واللي عندهم بطاقات الاشتراك Cartes Saison) يمكنهم يدخلو مباشرة باستعمال بطاقاتهم الصالحة.
الرجاء زيرو مزيان فهادشي ديال التذاكر لتفادي هذاك الشي ديال الزحمات، والتوفر على تذكرة صالحة إلزامي لجميع الحضور، بما وحتى الأطفال، وممنوع منعاً كلياً التواجد بمحيط الملعب دون التوفر على تذكرة مباراة أو بطاقة صالحة، وصافي داكشي ديال التذاكر الورقية أو تصاورها أو نسخها ما بقاش، وكل تذكرة رقيمة راها مرتبطة بمولاها.