كود سبور//

مشاو الرجاء الرياضي لمدينة أكادير، استعدادا لماتش ربع نهائي كأس العرش اللي غايلعبوه ضد الحسنية هاد الويكاند.

وشدو الرجاء الرياضي قبل لحظات من صباح اليوم الجمعة طيارة من مطار محمد الخامس فالدار البيضاء إلى مطار أكادير المسيرة، وكان المورال ديال اللاعبين طالع وناشطين.

ومازال غايديرو الرجاء الرياضي حصة تدريبة اخرى فأكادير اليوم الجمعة فالعشية، غاتكون هي آخر حصة قبل الماتش ضد حسنية، اللي غايتلعب غدا السبت مع 5 العشية.