كود سبور//

سالا مسلسل الالماني جوزيف زينباور مع الرجاء الرياضي، وقرر المدرب يمشي بحالو من الفريق الاخضر.

ووصلت العلاقة بين الالماني جوزيف زينباور والرجاء الرياضي لنهايتها، وحسب مصادر رجاوية قرر المدرب الالماني يفسخ العقد ديالو مع الفريق من جانب واحد، أي غايخلص الشرط الجزائي اللي القيمة ديالو 220 مليون سنتيم،

وحسب نفس المصادر، فجوزيف زينباور لقى راسو وحل حيث ما بقاش عندو الوقت وخاصو يسني مع الوحدة السعودي باش يلتحق بهم او غايمشي له العرض ديالهم، وبالتالي ما كانش عندو خيار آخر من غير انه يفسخ مع الرجاء الرياضي اللي ادارة النادي بقات متشبثة بالدفاع على حق الخضرا، وكان موقفها امام المدرب الالماني يرجع للفريق يكمل خدمتو او يمشي بحالو ويخلص الشرط الجزائي.