گود سبور- الرباط//

حققو الرجاء الرياضي الرباح على نهضة بركان اليوم الخميس فتيران مولاي الحسن ضمن الجولة الاولى من دوري محمد التيمومي الودي.

الماتش بين الرجاء الرياضي ونهضة بركان سالا بنتيجة واحد لزيرو لمصلحة الفريق الأخضر، وفهاد الماتش خدمو المدربين ديال الفريقين على أسلوب اللعب والنهج التكتيكي، وكانت فرص التسجيل قليلة من الجانبين، وأبرزها تسديدة من نهضة بركان بعدها الگول مهدي الحرار وتسديدة من الرجا ضربت فالبوطو وخرجت، وفالوقت بدل الضائع قدرو الرجا يماركيو هدف الرباح بواسطة عثمان الشرايبي.

وملي سالا الماتش برباح الرجاء الرياضي، مشاو الفريقين لعبو ضربات الترجيح، وقدرو الرجا يربحو نهضة بركان حتى فالبينالتيات، وخداو 3 النقاط ديال الماتش اللي ربحو ونقطة من البينالتيات اللي ربحو.

وديما مع دوري محمد التيمومي وعن نفس الجولة، قدر فريق وداد تمارة يحقق الرباح على فريق الاتحاد التوركي منظم البطولة بنتيجة 2-0.